Situata e trafikut në aksin Tiranë-Elbasan ka qenë e rënduar, me qarkullim të ngadaltë nga Tuneli i Krrabës deri në Rrethrrotullimin e Bradasheshit.
Fluksi i lartë i automjeteve që udhëtojnë drejt juglindjes ka shkaktuar vonesa të konsiderueshme, veçanërisht gjatë fundjavave dhe sezoni veror.
Problematikat më të mëdha janë paraqitur në zonën e “Hinkës së Bradasheshit”, ku krijohen radhë dhe bllokime të shpeshta.
Situata e krijuar rikthen edhe një herë në vëmendje nevojën për ndërhyrje më të thella infrastrukturore dhe zgjidhje afatgjata, me qëllim përmirësimin e qarkullimit në një nga arteriet më të rëndësishme rrugore të vendit.
