Sindri Guri do të vazhdojë të luajë në futbollin italian, duke firmosur me ekipin e Legnanos, që garon në Serie D, niveli i katërt i futbollit në Itali.
Sulmuesi 33-vjeçar nga Shkodra, i cili ka lënë gjurmë në kampionatin shqiptar dhe ka ndërtuar një karrierë të rëndësishme edhe jashtë vendit, prej disa vitesh jeton në zonën e Vareses. Pas eksperiencave të fundit në Itali, ai ka zgjedhur të nisë një aventurë të re me Legnanon.
Te klubi i ri besojnë se përvoja dhe instinkti i Gurit para portës do të jenë një vlerë e shtuar, ndërsa synimi kryesor mbetet lufta për ngjitjen në Serie C.
