Një individ u arrestua këtë të hënë pas dyshimeve se kishte hedhur një pajisje ndezëse pranë ndërtesës 26 Federal Plaza në New York City.
Sipas burimeve, i dyshuari kishte me vete materiale që shfaqin qëndrime anti-ICE.
Autoritetet kanë filluar një hetim për të zbuluar arsyet e ngjarjes dhe për të verifikuar nëse incidenti ka lidhje me ndonjë kërcënim më të gjerë ndaj institucioneve federale. Deri tani, nuk janë dhënë detaje të tjera mbi identitetin e të arrestuarit apo mbi mundësinë e lëndimeve të tjera të shkaktuara nga ngjarja.
Mendohet se pajisja përbëhej nga fishekzjarrë dhe një lëng i ndezshëm. Nuk është e qartë nëse pajisja goditi ndërtesën, tha një burim i zbatimit të ligjit që ka njohuri mbi incidentin, por video tregon oficerët që dalin nga një re e dendur tymi përreth ndërtesës.
Sipas Departamentit të Zjarrfikësve të Nju Jorkut, të paktën tre persona kanë pësuar lëndime të lehta. Dy prej tyre refuzuan të merrnin ndihmë mjekësore, ndërsa një tjetër u transportua në Spitalin Presbiterian të Nju Jorkut.
I akuzuari për hedhjen e pajisjes gjithashtu pësoi lëndime të lehta, por që nuk janë kërcënuese për jetën.
