Një incident me mjet prerës është regjistruar këtë të enjte në ambientet e Poliklinikës së Shkodrës.
Sipas informacioneve paraprake, një person ka mbetur i plagosur me thikë dhe është transportuar me urgjencë në Spitalin Rajonal të Shkodrës, ku po merr trajtim mjekësor.
Në vendin e ngjarjes kanë shkuar forcat e Policisë, të cilat kanë nisur hetimet për zbardhjen e plotë të rrethanave dhe shkaqeve të incidentit.
Deri në këto momente nuk dihen motivet e përplasjes, ndërsa pritet një reagim zyrtar nga Policia e Shkodrës.
