Një i ri 21-vjeçar është arrestuar nga policia në Shkodër pas një kontrolli të realizuar në shtëpinë e tij, ku u gjetën armë dhe një sasi e konsiderueshme municioni.
Operacioni i quajtur “Kalibri” u realizua nga shërbimet e Komisariatit të Policisë Shkodër, pas mbledhjes së informacionit të siguruar përmes aktiviteteve operative, me qëllim të parandalimit të aktiviteteve të paligjshme dhe garantimin e sigurisë për qytetarët.
I arrestuari është identifikuar si Roberto Malocaj, 21 vjeç, banues në fshatin Trush.
Gjatë kontrollit, policia sekuestruan katër armë: një armë automatike, një pushkë dhe dy armë gjahu, së bashku me një sasi të konsiderueshme municioni.
Armët dhe municioni janë dërguar për ekzaminim në Institutin e Policisë Shkencore.
Materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Shkodër, ku do të vazhdojnë veprimet për zbardhjen e plotë të ngjarjes.
