Një kamion që transportonte inerte është përmbysur në segmentin rrugor Elbasan–Peqin.
Ende nuk dihet saktësisht, por dyshohet se mjeti i përket një nga kompanitë e angazhuara në ndërtimin e Korridorit VIII, konkretisht “2T” e vëllazërve Sako.
Fatmirësisht, deri tani nuk ka raportime për lëndime të rënda, përveç tronditjes së drejtuesit të kamionit.
Shërbimet e Policisë kanë arritur në vendin e ngjarjes, ku po bëjnë hetime mbi shkaqet e aksidentit. Njëkohësisht, ata po marrin masa për të orientuar trafikun, në mënyrë që të parandalojnë bllokimet në këtë segment.
