KF Vllaznia ka zbuluar zyrtarisht uniformat e reja për sezonin e ardhshëm, me të cilat skuadra kuqeblu do të zbresë në fushë që në ndeshjen e parë të UEFA Conference League.
Përmes një postimi në rrjetet sociale, klubi shkodran prezantoi dy variantet e fanellave, duke theksuar se ato përfaqësojnë historinë, krenarinë dhe pasionin e ngjyrave kuqeblu.
“Një fanellë që përfaqëson historinë, krenarinë dhe pasionin kuqeblu”, shkruan Vllaznia, ndërsa fton tifozët t’i blejnë fanellat online.
Me sytë drejt Europës, Vllaznia synon ta nisë me këmbën e mbarë aventurën e saj në Conference League, tashmë edhe me identitetin e ri vizual të sezonit 2026-2027.
