Një incident është regjistruar mbrëmjen e kësaj të diele në lagjen “Rus” të Shkodrës, pranë zonës së njohur si “Sahati”, ku një kabinë elektrike është përfshirë nga zjarri.
Si pasojë e flakëve, dhjetëra familje dhe subjekte private kanë mbetur pa energji elektrike, ndërsa në zonë është krijuar shqetësim mes banorëve.
Në vendngjarje kanë mbërritur shpejt forcat zjarrfikëse, të cilat kanë izoluar dhe shuar zjarrin, duke shmangur përhapjen e tij në objektet përreth.
Nga ana tjetër, specialistët e rrjetit elektrik po punojnë për të përcaktuar shkaqet e incidentit dhe për të rikthyer furnizimin me energji sa më parë.
Informacionet janë paraprake dhe pritet të përditësohen në vijim.
