Një burrë 86-vjeçar dhe një grua 74-vjeçare, të cilët ishin të shtruar në poliklinikën “San Martino” në Gjenovë, kanë ndërruar jetë si pasojë e valës së nxehtësisë që po përjeton aktualisht qyteti, sipas njoftimit nga autoriteti lokal shëndetësor, ASL.
Gjatë këtyre ditëve të fundit të qershorit, një valë e jashtëzakonshme nxehtësie ka kapluar Evropën, duke sjellë temperatura rekord për këtë periudhë.
Pritet që në ditët në vazhdim të ketë një ndryshim, me ardhjen e stuhive të shpeshta, të cilat do të ulin temperaturat në nivele më të zakonshme për sezonin.
Shkaku i energjisë së madhe termike të akumuluar, ekziston mundësia e formimit të breshrit të intensitetit të lartë.
