Eurodeputetja Christina Guarda, duke komentuar përuljen e kryeministrit Rama ndaj Melonit, theksoi se lideri shqiptar duhet të kuptojë se anëtarësimi në Bashkimin Europian kërkon që të ecet me dinjitet, jo me përulje. Gjatë fjalës së saj para Kryeministrisë, Guarda e theksoi se protesta e organizuar ka ndihmuar në edukimin e botës për rëndësinë e mbrojtjes së tokës.
Ajo shprehu mirënjohjen e saj për diasporën, e cila ka protestuar për të mbështetur manifestimin në Tiranë.
“Na keni mësuar kaq shumë, na keni mësuar të mbrojmë tokën, e të jetuarit mirë në tokën tonë, na keni mësuar bukurinë e të mbrojturit të drejtat tona, të drejtën njerëzore, të mos konsumohemi nga politika e korruptuar. Dua t’ju falënderoj ju dhe diasporën shqiptare në Itali.
Faleminderit diasporës më të gjithë Europën që po protestojnë për ju. Kam një imazh, kryeministrin duke iu përulur kryeministres sime. Nuk hyhet në Europë duke u përulur, duke i shërbyer askujt hyhet me kokën lart duke e ditur se e meriton. Jam me ju Shqipëri”, tha ajo.
