Ministria e Shëndetësisë ka njoftuar instalimin e një skaneri të ri 64-slice CT në Spitalin Rajonal të Shkodrës, i pajisur me teknologjinë e avancuar të Angio-Skanerit.
Sipas ministrisë, pajisja e re ofron imazhe me rezolucion të lartë, kohë më të shpejtë ekzaminimi dhe mundësi për diagnostikimin e avancuar të një sërë patologjish, përfshirë ato neurologjike, kardiovaskulare, pulmonare, abdominale, si dhe rastet urgjente.
Postimi
Mirëmëngjes ☀️, nga Spitali Rajonal Shkodër ku është instaluar Skaneri i ri 64-slice CT, i pajisur me teknologjinë e avancuar të Angio-Skanerit.
Ky skaner ofron imazhe me rezolucion të lartë, kohë më të shpejtë ekzaminimi dhe mundësi për diagnostikimin e avancuar të patologjive neurologjike, kardiovaskulare, pulmonare, abdominale dhe të rasteve urgjente. ⚕️ 🩻
Një investim që përforcon kapacitetet diagnostikuese të Spitalit Rajonal Shkodër🏥 dhe përmirëson aksesin e qytetarëve në shërbime moderne shëndetësore, pranë vendbanimit të tyre.
