Është raportuar për detaje të reja rreth aksidentit fatal që ka ndodhur mëngjesin e kësaj të mërkure në segmentin Lezhë-Milot, ku një kamion ka përfunduar në një përplasje me një automjet, duke shkaktuar vdekjen e një shqiptari nga Kosova, identiteti i të cilit është Kadri Behluli.
Hetimet për zbardhjen e plotë të ngjarjes vazhdojnë, ndërsa deri tani dyshohet se aksidenti ka ndodhur për shkak të përgjumjes së viktimës, çka rezultoi në humbjen e kontrollit mbi mjetin dhe përfundimin tragjik për këtë qytetar nga Suhareka.
Po ashtu, dy anëtarët e familjes së Behlulit, që ishin në automjet me të, kanë pësuar lëndime. Bëhet fjalë për motrën dhe djalin e tij, të cilët aktualisht ndodhen në Spitalin e Traumës për t’u trajtuar. Sipas informacionit, ata janë jashtë rrezikut për jetë.
Drejtuesi i kamionit, A. M., është shoqëruar në stacionin e Policisë në Lezhë për të dhënë deklaratë në lidhje me këtë incident të rëndë.
“Si pasojë e aksidentit, drejtuesi i automjetit, K. B., ka ndërruar jetë në vendngjarje, ndërsa motra e tij, F. B., dhe djali, F. B., janë transportuar në Spitalin e Traumës, ku po marrin ndihmën e nevojshme mjekësore dhe ndodhen jashtë rrezikut për jetën.
”Drejtuesi i kamionit, A. M., është shoqëruar në Komisariatin e Policisë Lezhë, ku po zhvillohen veprimet procedurale,”
