Pas rreth tre muajsh funksionimi, shërbimi i transportit urban në Shkodër nuk po i përmbahet më intervalit të premtuar prej 20 minutash. Qytetarët raportojnë se sot duhet të presin deri në 50 minuta për autobusët, shpesh në temperatura të larta.
Sipas tyre, përmirësimi i njoftuar rezultoi i përkohshëm dhe situata është kthyer thuajse në gjendjen e mëparshme, me vonesa të shpeshta në qarkullim. Në këtë kontekst, dhe duke iu referuar edhe postimeve të mëhershme në rrjetet sociale të Benet Becit për këtë shërbim, bie në kontrast ajo që është prezantuar me realitetin në terren.
