Polonia dhe Gjermania kanë arritur këtë të mërkurë një marrëveshje të re mbrojtjeje dypalëshe.
Këtë marrëveshje e bënë të ditur ministrat e mbrojtjes të dy vendeve, në një kohë kur Varshava po përpiqet të forcojë aleancat e saj përballë kërcënimeve në rritje nga Rusia.
Për më tepër, Polonia ka lidhur tashmë marrëveshje mbrojtjeje me Francën dhe Britaninë, dhe është duke punuar gjithashtu për një traktat me Italinë.
“Marrëveshja e mbrojtjes hap horizonte të reja për bashkëpunim. Kjo përfshin fushat e sigurisë kibernetike, përgjegjësisë së përbashkët, komandës së përbashkët në Baltik, dhe teknologjitë e reja,” deklaroi Wladyslaw Kosiniak-Kamysz nga Polonia gjatë një konference për shtyp të mbajtur me Boris Pistorius nga Gjermania.
Ai shtoi se “kjo do të krijojë mundësi të reja për lëvizshmërinë ushtarake, si dhe për zhvillimin e infrastrukturës që do të mbështesë këtë lëvizshmëri midis vendeve tona.”
Marrëveshja u nënshkrua në përvjetorin e 35-të të Traktatit polako-gjerman për Marrëdhënie të Fqinjësisë së Mirë dhe Bashkëpunim Miqësor.
