Presidenti i Serbisë, Aleksandar Vuçiç, ka njoftuar se planifikon të japë dorëheqjen nga pozita e tij brenda tre deri në katër muajve të ardhshëm.
Në një deklaratë të publikuar, Vuçiç theksoi se partia e tij, Partia Progresiste Serbe, do të organizojë një takim të madh në Beograd më 27 qershor, ku do të prezantohet një pjesë e programit të saj elektoral për zgjedhjet që po afron.
Duke folur për planet e tij, Vuçiç njoftoi se largohet nga presidenca në muajt që vijnë, ndërsa SNS do të shfrytëzojë tubimin e 27 qershorit për të paraqitur disa nga pikat kyçe të platformës së saj politike për publikun.
Kjo deklaratë vjen në një kohë të rëndësishme për politikën serbe, teksa vendi po përballet me sfida të brendshme dhe përgatitet për zgjedhje të reja. Është e paqartë nëse njoftimi i Vuçiçit do të pasohet nga veprime konkrete për largimin e tij dhe çfarë efekti do të ketë kjo në balancat politike të vendit.
Serbia dhe Beogradi janë përfshirë prej kohësh nga protestat e studentëve që kërkojnë dorëheqjen e tij.
