Një numër i konsiderueshëm njerëzish, disa dhjetëra mijëra, marshuan nëpër rrugët e Romës të shtunën, duke shprehur qëndrim të kundërt për sa i përket emigracionit. Kjo protestë e ndarë u organizua pas një iniciative të ekstremit të djathtë, e cila fitoi mbështetje të mjaftueshme për të kaluar në Parlament, e cila kërkonte masa strikte ndaj emigrantëve.
Peticioni i titulluar “Remigrimi dhe Ripushtimi” arriti të grumbullonte 50,000 nënshkrime, duke mundësuar kështu diskutimin në Parlament, edhe pse ende nuk është vendosur një datë për votim.
Ky propozim, i mbështetur nga grupe të krahut të djathtë, kërkon masa rreptësisht të fokusuara ndaj të huajve, përfshirë kthimin e tyre, si dhe ndihma për t’u larguar nga Italia, duke përfshirë politika të tjera që kritikët parashikojnë se mund të prekin edhe qytetarët e ligjshëm.
Në marshimin për të protestuar kundër emigrimit, grupet e shumta nga e gjithë Italia kënduan himnin kombëtar.
Në disa raste, protestuesit ngritën duar në një përshëndetje fashiste, duke thënë “Duce! Duce!”, një thirrje që u referohej diktatorit Benito Musolini, i cili ishte në pushtet nga viti 1922 deri në vitin 1943.
Një tjetër protestë, e cila mbështeste emigrimin, u zhvillua paralelisht në një tjetër pjesë të Romës, me dhjetëra mijëra njerëz që dolën në rrugë të shtunën në mbrëmje.
Marshimi pro-emigrimit u organizua nga grupe të ndryshme të krahut të majtë dhe sindikata, ndërsa autoritetet kishin vendosur një numër të madh policësh për të siguruar që dy grupet rivale të qëndronin të ndara. Sipas raportimeve, nuk u regjistrua asnjë akt dhune gjatë protestave.
