Në odeonin e hapur të famullisë “Zoja e Shkodrës” është hapur edicioni i dytë i Panairit të librit “Libri të ban të lirë”.
Gjatë tre ditëve, aktiviteti do të përfshijë promovime librash, ligjërata, diskutime dhe takime me autorë e studiues nga Shqipëria dhe jashtë saj.
Në hapje, studiuesi Matteo Mandala u ndal te lidhjet historike dhe kulturore mes Shkodrës dhe komunitetit arbëresh, ndërsa shkrimtari Stefan Çapaliku e cilësoi panairin si një hapësirë reflektimi edhe mbi sfidat që përballet libri sot.
Panairi do të vijojë deri më 30 maj, kur pritet të bëhet edhe shpallja e fituesve të këtij edicioni.
