Udhëheqësi i Hezbollah, Naim Qassem, i ka bërë thirrje qeverisë libaneze të ndërpresë bisedimet e drejtpërdrejta me Izraelin, duke paralajmëruar se çdo përpjekje për çarmatosjen e grupit do të ishte e barabartë me “asgjësimin” e tij.
Në deklaratat e tij, Qassem e cilësoi të papranueshëm vazhdimin e negociatave direkte me Izrael, ndërsa më vonë Hezbollahu publikoi një reagim ku theksohej se këto bisedime do të përbënin një “fitore” për Izraelin dhe aleatët e tij.
Komentet e liderit të Hezbollahut vijnë në një moment kur Liban po përgatitet për një raund të ri negociatash me Izraelin në Washington, i cili pritet të zhvillohet në fillim të muajit të ardhshëm.
Tensionet mes palëve mbeten të larta, ndërsa çështja e rolit dhe armatimit të Hezbollahut vazhdon të jetë një nga temat më të ndjeshme në politikën dhe sigurinë rajonale.
