Një zjarr masiv ka shpërthyer në një zonë të mbuluar me bimësi në fshatin Kotë, që i përket bashkisë Selenicë.
Zjarri ka përpirë një hapësirë të madhe toke, ndërkohë që, përveç forcave vendase zjarrfikëse, në vendngjarje janë angazhuar edhe ekipe nga Vlora për të ndihmuar në përballimin e flakëve.
Zjarrfikësit po punojnë intensivisht për ta izoluar dhe vënë nën kontroll zjarrin, duke u përpjekur të ndalojnë përhapjen e tij drejt shtëpive të banorëve të zonës.
Operacioni i ndërhyrjes në terren vijon, ndërsa shkaqet që kanë shkaktuar zjarrin ende nuk janë bërë të ditura.
