Vendi ynë do të vijojë të ndikohet edhe gjatë ditës së enjte nga të njëjtat kushte atmosferike, duke sjellë një mot kryesisht të qëndrueshëm në të gjithë territorin.
Moti parashikohet i kthjellët në pjesën më të madhe të vendit, ndërsa në relievet kodrinore dhe malore priten vranësira të pakta dhe kalimtare, kryesisht gjatë orëve të mesditës.
Era do të fryjë nga verilindja në veriperëndim me shpejtësi mesatare rreth 7 m/s. Përgjatë vijës bregdetare në veriperëndim, si edhe në lugina dhe zona malore, era pritet të fitojë intensitet, duke arritur deri në 16 m/s.
Në det, valëzimi parashikohet i forcës 2-3 ballë.
