Një automjet është raportuar i vjedhur në qytetin e Pogradecit.
Sipas gazetares Lorena Kodra, incidenti ka ndodhur së fundmi në lagjen nr. 1 të qytetit, ku një shtetas ka hasur një mjet të parkuar dhe e ka marrë pa lejen e pronarit.
Burime të sigurta bëjnë me dije se makina kishte çelësat brenda në momentin e vjedhjes, ndërsa pronari ndodhej afër vendit të ngjarjes. Menjëherë pas marrjes së sinjalizimit, efektivët e komisariatit të policisë në Pogradec kanë ndërhyrë dhe kanë prangosur brenda pak minutash autorin, i identifikuar si Aurel Hamolli.
Hamolli është shoqëruar në ambientet e policisë, ku i është komunikuar masa e arrestit. Hetimet për të gjitha detajet mbi ngjarjen vazhdojnë.
