Benet Beci ka publikuar një status në rrjetet sociale ku promovon Ura e Mesit si një nga destinacionet më të vizituara turistike në zonën e Shkodrës.
Në postimin e tij, Beci shkruan se monumenti historik po tërheq çdo ditë vizitorë nga e gjithë bota, të cilët mbeten të mahnitur nga historia, arkitektura dhe bukuria e urës karakteristike prej guri. Ai e cilëson Urën e Mesit si “perlë të trashëgimisë kulturore”, ndërsa thekson se tashmë ajo është “rilindur”.
Postimi është shoqëruar me fotografi nga zona, ku shihen turistë vendas dhe të huaj duke vizituar urën dhe natyrën përreth. Statusi është ripostuar edhe nga Edi Rama.
