Zjarri që ka shpërthyer në njësinë administrative Fushë-Bulqizë, në rajonin e Qafë Helmesit, ka dalë jashtë kontrollit.
Edhe pse në terren ndodhen forca të shumta që përpiqen të përmbajnë përhapjen e flakëve, zjarri është përhapur me shpejtësi për shkak të erës dhe temperaturave të larta.
Ndërhyrja është bërë më e vështirë nga terreni malor, duke e bërë të papërshtatshme futjen e automjeteve zjarrfikëse në disa pjesë të prekura nga zjarri.
Përballë flakëve vazhdojnë të angazhohen punonjësit e shërbimit zjarrfikës, të Bashkisë Bulqizë, shërbimit pyjor, si dhe trupa të ushtrisë.
