Dy turistë kanë humbur rrugën teksa eksploronin malin e Çikës. Të dhënat e para bëjnë me dije se ata kanë dërguar një sinjal SOS, duke kërkuar ndihmë pasi nuk kanë qenë në gjendje të gjenin itinerarin e kthimit.
Pasi është marrë sinjali, grupet e shpëtimit të Administratës së Zonave të Mbrojtura, të mbështetur nga Policia, janë nisur menjëherë drejt zonës. Ekipet janë angazhuar në identifikimin e vendndodhjes së saktë të turistëve dhe vijojnë operacionin e kërkim-shpëtimit në terren.
