Punimet në kuadër të projektit të KESH në Lumin e Mërturit janë ndalur, pas kundërshtimit të banorëve të zonës së Nikaj-Mërturit dhe protestave të zhvilluara prej tyre.
Përmes një shkrese zyrtare të datës 4 gusht 2026, Korporata Elektroenergjetike Shqiptare ka urdhëruar ndërprerjen e menjëhershme të punimeve në terren. Sipas dokumentit, pezullimi do të jetë në fuqi deri në një vendim të mëtejshëm nga Autoriteti Kontraktor.
Subjekti që po kryen punimet është njoftuar zyrtarisht dhe është udhëzuar të mos vijojë asnjë aktivitet në zonën e projektit.
Pezullimi vjen pas reagimit të banorëve të Nikaj-Mërturit, të cilët kanë kundërshtuar ndërhyrjet në lumin e zonës dhe kanë kërkuar ndalimin e punimeve. Në këtë proces, banorët janë mbështetur edhe nga përfaqësuesit e tyre ligjorë.
Tashmë pritet vendimmarrja e radhës nga Autoriteti Kontraktor, ndërsa mbetet për t’u parë nëse punimet do të rinisin apo do të merren vendime të tjera për projektin.
