Pasditen e kësaj dite, mali i Çipinit është kapluar nga një zjarr masiv. Flakët kanë përfshirë një zonë me bimësi të dendur, të mbuluar nga shkurre dhe barishte, ndërkohë që vatra vijon të vëzhgohet nga afër.
Ndërhyrja me automjete zjarrfikëse është e vështirësuar për shkak të terrenit të thyer. Në vendngjarje janë dërguar forcat zjarrfikëse për të ndihmuar në përballimin e situatës, por aksesimi me mjete të specializuara mbetet i kufizuar.
