Një projekt rrugor i ri është gati të sjellë transformime të mëdha në veri të Shqipërisë.
Për herë të parë, Shkodra do të ketë një lidhje automobilistike direkte me Tropojën, duke kaluar përmes Dukagjinit dhe Nikaj-Mërturit. Ky projekt është cilësuar si një nga ndërhyrjet më të mëdha që synojnë zhvillimin e Alpeve Shqiptare.
Rruga e re do të bashkojë zonën e Dukagjinit, nëpër Qafën e Ndërmajës, me Kurorën e Alpeve Shqiptare. Kjo lidhje do të mundësojë për herë të parë qarkullimin e automjeteve mes Shkodrës dhe Tropojës pa devijime të gjata. Investimi pritet të japë një shtysë për zhvillimin e turizmit, të rrisë ekonominë vendase dhe të përmirësojë lëvizjen e banorëve të zonave të thella malore.
