Një zjarr ka rënë në një automjet tip “Benz” në Kukës. Policia bën me dije se ngjarja është shënuar në orët e para të mëngjesit të sotëm në lagjen nr 5, dhe mjeti i përket shtetasit Rr. P.
Flakët kanë prekur edhe dy automjete të tjera që ishin të parkuara aty pranë.
Automjeti tip Benz është djegur plotësisht ndërsa dy të tjerat që ishin të parkuara janë prekur pjesërisht nga flakët.
“Në orët e para të mëngjesit, në lagjen nr. 5, ka rënë zjarr në automjetin tip “Benz”, në pronësi të shtetasit Rr. P., banues në Kukës.
Si pasojë është djegur plotësisht ky automjet dhe pjesërisht dy automjete të tjera të parkuara afër tij.”- njofton policia.
Grupi hetimor vijon punën për përcaktimin e shkakut të djegies së automjeteve.
