Një plagosje me mjet prerës ka ndodhur sot në qytetin e Korçës.
Sipas informacioneve paraprake, konflikti ka ndodhur mes dy personave.
Njëri prej tyre raportohet se ka marrë një sëpatë dhe ka goditur personin tjetër, me të cilin është konfliktuar verbalisht një natë më parë.
Konflikti i mbrëmshëm ka vazhduar ditën e sotme, ku të dy personat janë konfliktuar sërish, por këtë herë ka përfunduar në plagosjen e njërit prej tyre.
I dëmtuari është dërguar në spital, ku sipas bluzave të bardha ka marrë dëmtime në shpatull por ndodhet jashtë rrezikut për jetën.
Mësohet se autori i ngjarjes është shoqëruar nga policia dhe ndodhet në Komisariat.
