Një autobus është konstatuar duke lëvizur në pedonalen e Shkodrës mbrëmjen e 2 korrikut, në një orar kur qarkullimi i mjeteve në këtë zonë është i ndaluar.
Sipas denoncimit, rreth orës 20:12, mjeti ka kaluar përpara godinës së Bashkisë Shkodër, në kohën kur pedonalja ishte e mbushur me qytetarë që po kryenin shëtitjen e mbrëmjes. Në zonë ndodheshin edhe fëmijë që luanin, duke ngritur shqetësime për sigurinë e këmbësorëve.
Denoncuesi pretendon se autobusi po qarkullonte me një leje të dhënë nga Bashkia Shkodër, çka sipas tij përbën një trajtim të pabarabartë në zbatimin e rregullave të qarkullimit. Ai kërkon transparencë nga autoritetet vendore mbi arsyet që kanë çuar në lejimin e lëvizjes së mjetit në një hapësirë dhe orar ku qarkullimi i automjeteve është i kufizuar.
Deri më tani nuk ka një reagim zyrtar nga Bashkia Shkodër lidhur me rastin.
Burimi: NewsPower.al
