Xherdan Shaqiri dhe Granit Xhaka u shndërruan në figura legjendare gjatë verës së vitit 2018, pas fitores së Zvicrës me rezultatin 2-1 ndaj Serbisë në Kupën e Botës. Festimet për golat e realizuar në pjesën e dytë, u shoqëruan me simbolin e shqiponjës nga lojtarët shqiptarë.
Pjesë e ekipit që filloi ndeshjen ishin gjithashtu Blerim Xhemaili dhe Valon Behrami, i cili ka habitur me një deklaratë të fundit.
“Nëse do ta dija që do të festonin me simbolin e shqiponjës në Rusi 2018, do të kisha ndërmarrë diçka për t’i ndaluar. Ishte diçka që nuk e dija. Sapo shënuam golin, vrapuam dhe ndodhi gjithçka aty. Unë isha i vetmi që nuk bëra shqiponjën,” tha Behrami për “RSI Sport”.
Përveç kësaj, 41-vjeçari nga Mitrovica aktualisht punon në Uatford në Angli, ku mban rolin e asistentit ekzekutiv të drejtorit.
