Nga Mimoza REXHVELAJ
Në mediat lokale po qarkullon ky dokument si propozim për Këshillin Bashkiak të Malësisë së Madhe për ndryshimin e emrit të shkollës së Bratoshit.
Pyetja që shtrohet për diskutim nuk është pse propozohet emri “Gjek Marinaj”.
Çështja kryesore është:
-Pse po hiqet emri “At Pal Doda” nga shkolla e Bratoshit?
#Dokumenti i bërë publik nuk paraqet asnjë argument apo arsyetim për këtë ndryshim.
1-A është konsultuar komuniteti i Bratoshit, prindërit, mësuesit dhe ish nxënësit?
2-A duhet që emri i një figure historike të zëvendësohet pa një arsyetim të qartë dhe pa një debat publik?
Po ashtu, shtrohet edhe një pyetje tjetër:
3-A është e përshtatshme, që një shkollë publike të marrë emrin e një personaliteti, që është ende gjallë?
Këto janë pyetje legjitime që meritojnë përgjigje përpara çdo vendimmarrjeje, sepse shkolla dhe identiteti i saj i përkasin komunitetit të Malësisë.
Nga Zani i Veriut
