Edi Rama duket se ka marrë përsipër borxhet e kompanisë Air Albania, të cilën e çoi drejt falimentimit duke i përdorur avionët e saj si pronë personale.
Sipas raportimit në mediat e huaja, dyshohet se se bëhet fjalë për një shumë marramendëse borxhesh prej 100 milionë eurosh. Nga kjo shumë, Rama do përdorë paratë e taksapaguesve për të paguar 35 milionë euro.
“Qeveria shqiptare po shqyrton marrjen përsipër të një pjese të borxheve të linjës ajrore të falimentuar. Kjo rrjedh nga detyrime të papaguara prej afërsisht 100 milionë eurosh, duke përfshirë pagesat për qiratë, tarifat e aeroportit, karburantin dhe shërbimin e ushqimit, sipas raportimeve të mediave lokale. Për të shmangur procedurat ligjore, shteti mund të marrë përsipër rreth 35 milionë euro. Këto fonde do të përdoren posaçërisht për të zgjidhur pretendimet kundër Air Albania nga partnerët e saj ndërkombëtarë. Shlyerja ndaj shtetit është planifikuar për një afat të gjatë”,- shkruajnë mediat e huaja.
Kujtojmë se Air Albania ndërpreu operacionet afërsisht shtatë muaj më parë, pasi autoriteti i aviacionit pezulloi licencën e saj. Kompania ajrore është aktualisht në likuidim.
Shkëlqimi dhe rënia e “Air Albania”, dueli i heshtur me “Turkish Airlines”
