Ambasadorja e Izraelit në Shqipëri, Galit Peleg, ka reaguar ndaj incidentit të ndodhur mbrëmjen e së shtunës, ku protestues të maskuar heqën dhe përdhosën flamurin e Ambasadës së Shtetit të Izraelit gjatë një proteste në kryeqytet.
Me anë të një deklarate publike, Peleg e dënoi këtë veprim, duke theksuar se ky akt nuk kontribuon në kauzën e protestës, por sipas saj, dëmton dinjitetin e popullit shqiptar.
“Mbrëmë në Tiranë, protestuesit hoqën flamurin izraelit dhe e grisën atë mes thirrjeve të turmës që u mblodh në vendin e ngjarjes. Si ambasadore e një shteti demokratik, unë mbështes të drejtën e popullit shqiptar për t’u shprehur nëpërmjet protestave. Megjithatë, një veprim i tillë jo vetëm që nuk i shërben kauzës së protestës, por gjithashtu dëmton dinjitetin e popullit shqiptar dhe trashëgiminë e tij krenare. Falënderoj @HoxhaFer për dënimin e menjëhershëm dhe të qartë të këtij akti,” tha ajo.
