Një ngjarje e rëndë ka ndodhur në orët e para të mëngjesit të sotëm, ku një çift bashkëshortësh ka rënë pre e një sulmi barbar me armë dhe sende të forta nga persona ende të paidentifikuar. Skënder dhe Bardhe Nika janë dhunuar pranë banesës së tyre dhe aktualisht po marrin ndihmë mjekësore në spital, nga ku kanë dëshmuar edhe tmerrin e përjetuar.
Kryefamiljari, Skënder Nika, ka rrëfyer dinamikën e ngjarjes, duke treguar se gjithçka ka ndodhur rreth orës 06:00 të mëngjesit, sapo ai ishte kthyer nga puna. Sipas tij, një grup prej 5-6 personash të maskuar dhe të armatosur i kanë zënë pritë dhe kanë ushtruar dhunë sistematike ndaj tij dhe bashkëshortes, duke i kërcënuar se do t’i vrisnin nëse bërtisnin.
