Ka përfunduar me sukses trajtimi i parë i procesit të dezinsektimit për vitin 2026 në Shkodër dhe Velipojë, në kuadër të masave për reduktimin e insekteve dhe përmirësimin e kushteve higjieno-sanitare në zonë.
Gjatë këtij ndërhyrjeje janë trajtuar mbi 10 hektarë sipërfaqe, përfshirë kanale të ujërave të zeza, pellgje dhe kënete, të cilat konsiderohen vatra të shumimit të mushkonjave dhe insekteve të tjera.
Sipas planit të parashikuar, procesi i dezinsektimit do të vijojë përgjatë gjithë sezonit, deri në muajt shtator-tetor, me më shumë se 10 trajtime të planifikuara gjatë vitit. Autoritetet synojnë kështu të mbajnë nën kontroll përhapjen e insekteve, veçanërisht gjatë muajve të verës, kur temperaturat e larta favorizojnë shumimin e tyre.
